O‘zbekiston futbol assosiasiyasi tomonidan bolalar futbolini rivojlantirish yuzasidan bir qator chora tadbirlarni amalga oshirmoqda. Xususan, yurtimiz bo‘ylab yosh futbolchilar o‘rtasida ochiq chempionatlar o‘tkazilmoqda.
Ushbu musobaqaning navbatdagisi Farg‘ona vodiysida o‘tkazildi. Andijon viloyati Andijon shahrida tashkil qilingan musobaqada 2009-2010 yillarda tug‘ilgan bolalar ishtirok etishdi. Musobaqalar “Limon arena” sport saroyida bo‘lib o‘tdi. Andijon, Farg‘ona va Namangandan kelgan yosh futbolchilar g‘oliblik uchun kurash olib borishdi.
Murosasiz o‘tgan bahslarda g‘oliblik “Istiqlol” jamoasiga nasib etgan bo‘lsa, ikkinchi va uchinchi o‘rinlarni “Fayzobod” hamda “Uychi” jamoalari egallashdi. Musobaqa yakunida ishtirokchilarga O‘zbekiston futbol assosiasiyasi tomonidan esdalik sovg‘alari hamda sertifikatlar topshirildi.
