Italiya chempionatining 9-turidan o‘rin olgan “Roma” va SPAL uchrashuvi o‘z nihoyasiga yetdi. “Stadio Olimpiko”da bo‘lib o‘tgan o‘yinda kutilmagan natija qayd etildi.
Uchrashuvning 38-daqiqasida Andrea Petanya penaltini aniq bajarib, jamoasini oldinga olib chiqdi. Ikkinchi bo‘lim debyutida Kevin Bonifasi hisobni 0:2 ko‘rinishiga keltirib qo‘ydi.
75-daqiqada mehmonlar darvozaboni Vanya Milinkovich-Savich maydondan chetlatildi, biroq qolgan vaqt davomida rimliklar sondagi ustunlikdan foydalana olmadilar.
Shu tariqa, SPAL ushbu g‘alabadan so‘ng ochkolarini 12ta yetkazib olgan holda 13-pog‘onaga ko‘tarilib oldi, “Roma” 14 ochko bilan oltinchi o‘rinda qolmoqda.
A Seriya, 9-tur
Roma – SPAL 0:2 (0:1, 0:1)
Gollar: 0:1 – 38, penalti Petanya, 0:2 – 56 Bonifasi.
Roma – Olsen, Markano, Fasio, Pellegrini (Pastore, 78), Florensi, Kristante (Klyuyvert, 59), Nzonzi, Under (CHorich, 71), Pellegrini, El-SHaaravi, Djeko.
SPAL – Milinkovich-Savich, Chonek, Bonifasi, Kosta, Vikari, Valdifyori (Fares, 70), Ladzari, Missiroli, Valoti (Gomis, 77), Paloski (Bilyer, 66), Petanya.
Ogohlantirishlar: Missiroli (30), Pellegrini (37), Under (62), Paloski (64), Bilyer (69), Milinkovich-Savich (75), Fasio (82).
Chetlatish: Milinkovich-Savich (75).
