Uchrashuvdan so‘ng jamoamiz ustozi Ro‘ziqul Berdiyev ham o‘yin haqidagi fikrlari bilan o‘rtoqlashdi.

“Avvalom yigitlarimizga bugungi o‘yinlari uchun rahmat aytmoqchiman. Futbolchilarimiz ko‘rsatmalarimizni yaxshi bajarishdi. Bugun maydonga tushgan futbolchilarimiz erkin harakat qilishdi. Borgan sari o‘zlariga bo‘lgan ishonch ham ortmoqda.

Aslida maqsadimiz ham shu. Ya’ni futbolchilarimizni  ruhiy va taktik jihatdan mahoratini oshirish. Maqsadimizga,  menimcha asta sekin erishayapmiz. Bunga keyingi o‘yinlarimiz va qo‘lga kiritayotgan natijalarimiz misol bo‘la oladi.

Quvonarli tomoni bugungi uchrashuvda biz raqibimizga har tomonlama ustunlik qildik. O‘ylaymanki, bugungi g‘alabamiz bilan aziz muxlislarimizni xursand qildik. Asosiy maqsadimiz klubimiz muxlislarini o‘z o‘yinlarimiz va g‘alabalarimiz bilan quvontirish.

Albatta, to‘xtashga hech qanday haqqimiz yo‘q. Biz navbatdagi o‘yinlarga ham qattiq tayyorgarlik ko‘rib, bugungidek ko‘tarinki ruhda o‘tkazmoqchimiz. G‘alabalarimiz muxlislarimiz uchun.

Barcha-barcha muxlislarimizni bugungi g‘alabamiz bilan samimiy tabriklayman”, deydi Berdiyev.