Учрашувдан сўнг жамоамиз устози Рўзиқул Бердиев ҳам ўйин ҳақидаги фикрлари билан ўртоқлашди.

“Аввалом йигитларимизга бугунги ўйинлари учун раҳмат айтмоқчиман. Футболчиларимиз кўрсатмаларимизни яхши бажаришди. Бугун майдонга тушган футболчиларимиз эркин ҳаракат қилишди. Борган сари ўзларига бўлган ишонч ҳам ортмоқда.

Аслида мақсадимиз ҳам шу. Яъни футболчиларимизни  руҳий ва тактик жиҳатдан маҳоратини ошириш. Мақсадимизга,  менимча аста секин эришаяпмиз. Бунга кейинги ўйинларимиз ва қўлга киритаётган натижаларимиз мисол бўла олади.

Қувонарли томони бугунги учрашувда биз рақибимизга ҳар томонлама устунлик қилдик. Ўйлайманки, бугунги ғалабамиз билан азиз мухлисларимизни хурсанд қилдик. Асосий мақсадимиз клубимиз мухлисларини ўз ўйинларимиз ва ғалабаларимиз билан қувонтириш.

Албатта, тўхташга ҳеч қандай ҳаққимиз йўқ. Биз навбатдаги ўйинларга ҳам қаттиқ тайёргарлик кўриб, бугунгидек кўтаринки руҳда ўтказмоқчимиз. Ғалабаларимиз мухлисларимиз учун.

Барча-барча мухлисларимизни бугунги ғалабамиз билан самимий табриклайман”, дейди Бердиев.