Gap-so‘zlarga qaraganda, keyingi mavsum milliy chempionatimiz formati yana o‘zgartirilar ekan.
Hattoki, Superliga ishtirokchilari sonini 16taga oshirib, oldingidek, ikki davrali tizimni yo‘lga qo‘yish varianti muhokama qilinayotgani haqida gapirilmoqda. Ochig‘i, buni tushunish qiyin.
Axir muayyan tizim birdaniga natija bermaydi-ku. O‘FA bitta formatni tasdiqladimi, kamida 3-4 yil sobit turishi kerak.
Har bir viloyatga jamoa kerakligini aslo inkor etib bo‘lmaydi. Biroq unutmaslik lozimki, qandaydir imtiyoz evaziga yoki majburiy tarzda kuchlilar safiga qo‘shib qo‘yilgan jamoa hech narsaga yaramaydi.
Futbolimiz tarixidan bunga xohlagancha misollar keltirish mumkin. Xullas, joylarda futbolning rivojlanishi uchun tabiiylik kerak, tabiiylik...
Davron KAMILOV, Toshkent shahri.
