Гап-сўзларга қараганда, кейинги мавсум миллий чемпионатимиз формати яна ўзгартирилар экан.
Ҳаттоки, Суперлига иштирокчилари сонини 16тага ошириб, олдингидек, икки даврали тизимни йўлга қўйиш варианти муҳокама қилинаётгани ҳақида гапирилмоқда. Очиғи, буни тушуниш қийин.
Ахир муайян тизим бирданига натижа бермайди-ку. ЎФА битта форматни тасдиқладими, камида 3-4 йил собит туриши керак.
Ҳар бир вилоятга жамоа кераклигини асло инкор этиб бўлмайди. Бироқ унутмаслик лозимки, қандайдир имтиёз эвазига ёки мажбурий тарзда кучлилар сафига қўшиб қўйилган жамоа ҳеч нарсага ярамайди.
Футболимиз тарихидан бунга хоҳлаганча мисоллар келтириш мумкин. Хуллас, жойларда футболнинг ривожланиши учун табиийлик керак, табиийлик...
Даврон КАМИЛОВ, Тошкент шаҳри.
