“Inter” klubi hujumchisi Mauro Ikardi “Barselona”ga qarshi uchrashuvdan so‘ng o‘z fikrlarini bildirib o‘tdi.

“Birinchi bo‘limda eng yaxshi o‘yinimizni namoyish eta olmadik, raqibga foydalanishi uchun katta bo‘shliq bo‘shatib berdik. “Barselona” bilan bunday o‘ynash yaramaydi.

Birinchi bo‘limdan so‘ng yaxshi himoyalandik, lekin hujumda aniq bir reja ish bermadi. Albatta, norozi kayfiyatdaman, ammo Milanda bu xatolarni to‘g‘rilab, ochko olishga harakat qilamiz.

Bizga qarshi buyuk jamoa maydonga tushganini bilardik, lekin nima bo‘lganda ham birinchi bo‘limda yaxshiroq o‘ynasak bo‘lardi”, – deydi Ikardi.