Xalqaro futbol assosiasiyalari federasiyasi (FIFA) terma jamoalarning yangi reytingini e’lon qildi. O‘zbekiston terma jamoasi bu galgi jadvalda 2 pog‘ona ko‘tarilib, 94-o‘ringa joyladi.

Terma jamoamiz oktyabr oyida KXDR va Qatar termalari qarshi o‘rtoqlik o‘yinlarida g‘alaba qozongani bois, hisobimizda reyting ochkolarini 9 ballga ko‘paytib oldi. Endi O‘zbekiston 1254 ochkoga ega.

Osiyoning eng yaxshi jamoasi — Eron reytingda 3 pog‘ona ko‘tarilib, top-30ga kirishga muvaffaq bo‘ldi. Avstrliya (42) va Yaponiya (50) terma jamoalari kuchli elliktalikka kirgan bo‘lsa, Janubiy Koreya 53-qatorni band etgan. Shuningdek, Saudiya Arabistoni (72), Suriya (74), Xitoy (75), BAA (81), Livan (82), Ummon (84), Iroq (89), Qirg‘iziston (90) terma jamoalari yangi reytingda O‘zbekistondan yuqoriroq pog‘onalarni egallashgan.

FIFAning oktyabr oyidagi reytingida Belgiya terma jamoasi 1-o‘ringa ko‘tarilib oldi. Bu terma Fransiyani 1 ballga ortda qoldirdi. Braziliya esa uchinchi o‘rinni o‘zida saqlab qoldi.

Reytingning to‘liq ko‘rinishi bilan FIFA saytida tanishib olishingiz mumkin.

1 (2). Belgiya – 1733 ochko
2. (1). Fransiya – 1732
3. (3). Braziliya – 1669
4. (4). Xorvatiya – 1635
5. (6). Angliya – 1619
6. (5). Urugvay – 1617
7. (7). Portugaliya – 1616
8. (8). Shveysariya – 1598
9. (9). Ispaniya – 1594
10. (10). Daniya – 1584...
94. (96). O‘zbekiston – 1254.