Халқаро футбол ассоциациялари федерацияси (ФИФА) терма жамоаларнинг янги рейтингини эълон қилди. Ўзбекистон терма жамоаси бу галги жадвалда 2 поғона кўтарилиб, 94-ўринга жойлади.

Терма жамоамиз октябрь ойида КХДР ва Қатар термалари қарши ўртоқлик ўйинларида ғалаба қозонгани боис, ҳисобимизда рейтинг очколарини 9 баллга кўпайтиб олди. Энди Ўзбекистон 1254 очкога эга.

Осиёнинг энг яхши жамоаси — Эрон рейтингда 3 поғона кўтарилиб, топ-30га киришга муваффақ бўлди. Австрлия (42) ва Япония (50) терма жамоалари кучли элликталикка кирган бўлса, Жанубий Корея 53-қаторни банд этган. Шунингдек, Саудия Арабистони (72), Сурия (74), Хитой (75), БАА (81), Ливан (82), Уммон (84), Ироқ (89), Қирғизистон (90) терма жамоалари янги рейтингда Ўзбекистондан юқорироқ поғоналарни эгаллашган.

ФИФАнинг октябрь ойидаги рейтингида Бельгия терма жамоаси 1-ўринга кўтарилиб олди. Бу терма Францияни 1 баллга ортда қолдирди. Бразилия эса учинчи ўринни ўзида сақлаб қолди.

Рейтингнинг тўлиқ кўриниши билан ФИФА сайтида танишиб олишингиз мумкин.

1 (2). Бельгия – 1733 очко
2. (1). Франция – 1732
3. (3). Бразилия – 1669
4. (4). Хорватия – 1635
5. (6). Англия – 1619
6. (5). Уругвай – 1617
7. (7). Португалия – 1616
8. (8). Швейцария – 1598
9. (9). Испания – 1594
10. (10). Дания – 1584...
94. (96). Ўзбекистон – 1254.