«Neftchi» - AGMK (1:1) bahsidan keyin o‘tkazilgan matbuot anjumanida farg‘onaliklar bosh murabbiyi Bahrom Haydarov o‘z fikrlari bilan o‘rtoqlashdi.

- Kuchli yomg‘ir yog‘ishiga qaramay bellashuvga tashrif buyurgan muxlislarga rahmat.  Guvoxi bo‘lganingizdek, ob-havo baribir o‘yinga o‘z ta’sirini o‘tkazdi.

Bunday maydonda nafaqat hujum qilish balki to‘pni nazorat qilish ham mushkul. G‘alabaga juda yaqin edik. Afsuski, raqib hisobni tenglashtirishga erishdi.

Alamli durang deyish mumkin. Ushbu baxsda faqat g‘alaba bizni qoniqtirardi. Birgina xato qimmatga tushdi. Yigitlar bilan xali o‘yinni muhokama qilamiz.

Hamma ham xato qilishi mumkin. Muhimi o‘sha xatoni yana takrorlamaslik. Keyingi bellashuvlarga tayyorgarlikni boshlaymiz. Ruhiy tushkunlikka tushish yo‘q. Olg‘a boramiz - dedi Haydarov