“Qizilqum” – “Nasaf” uchrashuvidan so‘ng mehmonlar ustozi Ro‘ziqul Berdiyev quyidagicha fikr bildirdi:

- “Qizilqum” jamoasining birinchi golgacha o‘yini qovushmadi. Dastlabki gol raqibimizga ruhiy ustunlik berdi va o‘yini kuchayib ketdi. Jamoamiz esa yaratgan imkoniyatlardan foydalana olmadi. “Qizilqum” esa yaratgan vaziyatlarini golga aylantira oldi. Bu jamoada tajribali futbolchilar yetarli, ular qulay vaziyatlarni qo‘ldan chiqarmaydi. Raqibimiz bugun xaqli g‘alabaga erishdi, bu bilan ularni tabriklayman. Biz bu o‘yinga jiddiy tayyorgarlik ko‘rgan edik. Ammo bugun g‘alabaga tortadigan o‘yin ko‘rsata olmadik. Qolaversa, bugun ba’zi yetakchi o‘yinchilarimiz bizga yordam bera olishmadi, - dedi murabbiy.