O‘zbekiston futbol assosiasiyasi shu yilning 25 oktyabr kuni Germaniyaning JAKO kompaniyasi bilan o‘zaro hamkorlik bo‘yicha shartnoma imzolagandi.
Shartnomaga ko‘ra ushbu kompaniya terma jamoalarimiz uchun turli xil ekipirovkalar yetkazib beradigan bo‘ldi.
Ayni paytda kompaniya tomonidan O‘zbekiston milliy terma jamoasiga Osiyo Kubogi uchun maxsus dizayndagi liboslar tayyorlanmoqda.
Kelasi yilning yanvar oyida BAAda bo‘lib o‘tadigan Osiyo Kubogi musobaqasidan boshlab O‘zbekiston milliy terma jamoasi JAKO kompaniyasi liboslarida uchrashuvlarni o‘tkazishni boshlaydi.
Maxsus dizayndagi liboslarda milliyligimiz belgilari aks etishi ko‘zda tutilgan.
