15-17 noyabr kunlari Namanganda 23 yoshgacha bo‘lgan sportchilar o‘rtasida «Olimpiya harakati» shiori ostida viloyat spartakiadasi bo‘lib o‘tdi.
Viloyat hokimligi va Milliy olimpiya qo‘mitasi hamkorligida tashkil etilgan ushbu sport bayramida boks, dzyudo, sport kurashlari, taekvondo, karate, yengil atletika bo‘yicha bellashuvlar o‘tkazildi.
Bahslarda viloyatning shahar va tumanlaridan 1400 nafarga yaqin ishtirokchi qatnashdi. Musobaqa yakunida kuchli uchlikka kirgan sportchilar qimmatbaho sovg‘alar va diplom bilan taqdirlandilar.
