Bugun, 18 noyabr kuni “Poytaxt” biznes markazida futboldagi funksional va huquqiy masalalar bo‘yicha seminar bo‘lib o‘tdi. Seminarda O‘zbekiston Superligasi va Pro-Liga jamoalari a’zolari hamda Toshkentning bir necha universitetlari vakillari qatnashishdi.
Seminarni O‘zbekiston futbol Assosiasiyasi Bosh kotibi Sardor Rahmatullayev va Professional futbol ligasi Bosh direktori Omon Gafurov kirish so‘zlari bilan boshlab berdi.
Spikerlar sifatida taklif qilingan Rossiya futbol Ittifoqi vakillari Rogachev Denis Igorevich, RFI Prezidentining huquqiy masalalar bo‘yicha maslahatchisi, Lyaxov Konstantin Olegovich, MFLning huquqiy va umumiy masalalar bo‘yicha direktori, RFIning bahsli vaziyatlarni yechish bo‘yicha RFI palatasi raisi o‘rinbosari va Zamorin Daniil Andreevich, RFI tartib-intizom qo‘mitasi mas’ul kotibi, RFI Apellyasiya qo‘mitasi mas’ul kotibi Rossiya Ittifoqi futbol klublari lisenzilashtirish qoidalari, bahsli vaziyatlarni yechish bo‘yicha RFI palatasi ishlash tizimi va faoliyati tahlili, Lozannadagi Sport arbitraj sudi (CAS)ishlash tahlili bilan seminar qatnashchilariga gapirib berishdi.
Kunning ikkinchi yarmida taklif qilingan spikerlar FIFAning bahsli vaziyatlarni yechish bo‘yicha Palatasi va milliy palatasi yurisdiksiyasi, FIFAning bahsli vaziyatlarni yechish bo‘yicha Palatasining qarorlariga amal qilmaslik uchun sanksiyalar haqida gapirib berdilar. Seminar suhbat tarzida bo‘lib o‘tdi.
