Seminarda O‘zbekiston Superligasi va Pro-Liga jamoalari a’zolari hamda Toshkentning bir necha universitetlari vakillari qatnashishda.
Seminarni O‘zbekiston futbol Assosiasiyasi Bosh kotibi Sardor Rahmatullayev va Professional futbol ligasi Bosh direktori Omon Gafurov kirish so‘zlari bilan boshlab berishdi. Spikerlar sifatida taklif qilingan Rossiya futbol Ittifoqi vakillari Denis Rogachev , RFI Prezidentining huquqiy masalalar bo‘yicha maslahatchisi Konstantin Lyaxov, MFLning huquqiy va umumiy masalalar bo‘yicha direktori, RFIning bahsli vaziyatlarni yechish bo‘yicha RFI palatasi raisi o‘rinbosari Daniil Zamorin,RFI tartib-intizom qo‘mitasi mas’ul kotibi, RFI Apellyasiya qo‘mitasi mas’ul kotibi Rossiya futbol klublarining lisenziyalashtirish qoidalari, bahsli vaziyatlarni yechish bo‘yicha RFI palatasi ishlash tizimi va faoliyati tahlili, Lozannadagi Sport arbitraj sudi (CAS)ishlash tartibi haqida seminar qatnashchilariga gapirib berishdi. Kunning ikkinchi yarmida taklif qilingan spikerlar FIFAning bahsli vaziyatlarni yechish bo‘yicha Palatasi va milliy palatasi yurisdiksiyasi, FIFAning bahsli vaziyatlarni yechish bo‘yicha Palatasining qarorlariga amal qilmaslik uchun sanksiyalar haqida yig‘ilganlarga batafsil tushuntirish berib o‘tdilar.
