Bugun Ummon poytaxti Maskat shahrida Osiyoning 2018 yildagi eng yaxshilarini aniqlash marosimi bo‘lib o‘tadi. Marosim Toshkent vaqti bilan soat 20:00da Muskat shahridagi Ummon ko‘rgazmalar va konferensiyalar markazida bo‘lib o‘tadi.
Avvalroq, Osiyo futbol konfederasiyasi 2018 yilning eng yaxshilari bo‘lishga nomzodlarni e’lon qilgandi. E’tiborlisi, ushbu ro‘yxatda hamyurtimiz ham bor. Joriy yilning yanvar oyida Xitoyda bo‘lib o‘tgan U-23 Osiyo chempionatida O‘zbekiston terma jamoasini g‘olibga aylantirgan Ravshan Haydarov "Yilning eng yaxshi murabbiyi" nominasiyasida ishtirok etmoqda.
Osiyoda 2018 yilning "Eng yaxshilari" bo‘lishga nomzodlar ro‘yxatini yana bir bor eslatib o‘tamiz:
"Yilning eng yaxshi erkak futbolchisi" nominasiyasiga nomzodlar Kento Misao ("Kashima Antlers", Yaponiya) Yuma Suzuki ("Kashima Antlers", Yaponiya) Abdulkarim Hassan ("Al-Sadd", Qatar)
"Yilning eng yaxshi ayol futbolchisi" nominasiyasiga nomzodlar Samanta Kerr (Avstraliya) Van Shuan (Xitoy) Saki Kumagay (Yaponiya)
"Yilning eng yaxshi futzalchisi" Rafael Xenmi (Yaponiya) Ali Ashgar Hasanzoda (Eron) Maxdi Javod (Eron)
"Yilning eng yaxshi yosh ayol futbolchisi" Fuka Nagano (Yaponiya) Moeka Minami (Yaponiya) Saori Takarada (Yaponiya)
"Yilning eng yaxshi yosh erkak futbolchisi" Yun Nishikava (Yaponiya) Chon Se Jin (J.Koreya) Turkiy Al Ammar (S.Arabistoni)
"Yilning eng yaxshi ayol murabbiyi" Asako Takakura (Yaponiya) Miyo Okamoto (Yaponiya) Nuengrutai Sratongvian (Tailand)
"Yilning eng yaxshi erkak murabbiyi" Bosim Hamdan (Iroq) Go Oiva (Yaponiya) Ravshan Haydarov (O‘zbekiston)
