Yevropa chempionlar ligasining 5-turidan "Barselona" klubi guruhda 1-o‘rin masalasini hal qilib qo‘ydi. Kataloniyaliklar safarda "PSV"ga qarshi bahs olib borishdi.

Birinchi bo‘limda hisob ochilmagan bo‘lsa, ikkinchi bo‘limda mehmonlar g‘alabani o‘z tomonlariga og‘dirishdi. Dastlab Messining zarbasini gollandiyaliklar posboni qaytara olmagan bo‘lsa, oradan ko‘p o‘tmasdan Leo amalga oshirgan jarima zarbasini Pike raqib darvozasi tomon burib yubordi. O‘yin tugashiga 8 daqiqa qolganida de Yong hisobdagi farqni bittaga qisqartirdi.

Ushbu g‘alabadan keyin "Barsa" o‘z ochkolarini 13taga yetkazib, 1-o‘rinni naqd qilib qo‘ydi.

Angliyaning "Tottenxem" va Italiyaning "Inter" jamoalari pley-off bosqichiga berilgan ikkinchi yo‘llanma uchun kurash olib borishdi. Bu o‘yinda "neradzurri"ni durang natija ham qanoatlantirar edi. Ammo o‘yin tugashiga 10 daqiqa qolganida Kristian Eriksen mehmonlar darvozasini ishg‘ol qilib, "shporlar"ga g‘alaba keltirdi.

Natijada bu ikki jamoaning ochkolari tenglashdi. Qo‘shimcha ko‘rsatkichlar bo‘yicha "Tottenxem" 2-o‘ringa ko‘tarilib oldi. Inglizlar so‘nggi turda "Barselona" mehmoni bo‘lsa, "Inter" o‘z uyida "PSV"ni qabul qiladi.

Yevropa chempionlar ligasi, "V" guruhi, 5-tur
PSV Gollandiya – Barselona Ispaniya 1:2 (0:0, 1:2)
Gollar: 0:1 – 61 Messi, 0:2 – 70 Pike, 1:2 – 82 de Yong.
PSV – Zut, Shvaab, Tasende, Dumfris, Virgever, Pereyro (Malen, 71), Xendriks (Gutyerres, 71), Losano, Rosario, Bergveyn (Romero, 79), de Yong.
Barselona – ter Shtegen, Pike, Alba, Nelson Semedu, Langle, Vidal, Buskets, Koutinyo (Malkom, 69), Rakitich, Dembele (Denis Suares, 80), Messi.
Ogohlantirishlar: Xendriks (25), Gutyerres (83), de Yong (83), Alba (86), Pike (90).
 
Tottenxem Angliya – Inter Italiya 1:0 (0:0, 1:0)
Gol: 1:0 – 80 Eriksen.
Tottenxem – Lyoris, Alderveyreld, Devis, OrYE, Vertongen, Uinks (Dayer, 87), Sissoko, Lamela (Eriksen, 70), Lukas Moura (Son Xin Min, 62), Alli, Keyn.
Inter – Xandanovich, de Vrey (Miranda, 82), Asamoa, D`Ambrozio, Shkrinyar, Nainggolan (Valero, 44), Brozovich, Perishich, Vesino, Politano (Keyta Balde, 83), Ikardi.
Ogohlantirishlar: Alderveyreld (28), Lamela (45), de Vrey (70), Son Xin Min (73), Valero (81).