Yevropa chempionlar ligasining "D" guruhida 5-turdan so‘ng barcha narsa hal bo‘lib ulgurdi.

"Portu" o‘z maydonida "Shalke"ni qabul qilib, 3:1 hisobida g‘alaba qozondi. Natijada portugaliyaliklar 13 ochko bilan guruhda 1-o‘rinni egallagan bo‘lsa, germaniyaliklar 8 ochko bilan pley-offga yo‘l olishdi. Bu guruhda so‘nggi tur o‘yinlari Yevropa ligasi pley-off bosqichi yo‘llanmasini qo‘lga kiritadigan jamoa nomini aniqlab beradi, xolos.

Yevropa chempionlar ligasi, "D" guruhi, 5-tur
Portu Portugaliya – Shalke Germaniya 3:1 (0:0)
Gollar: 1:0 – 52 Eder Militao, 2:0 – 55 Korona, 2:1 – 89, penalti Bentaleb, 3:1 – 90 Marega.
Portu – Kasilyas, Felipe, Maksi Pereyra, Telles, Eder Militao, Marega, Oliver Torres, Korona (Otavio, 79), Errera (Ernani, 85), Braimi (Adrian, 74), Danilu Pereyra.
Shalke – Fermann, Nastasich, Naldo, Mendil, Stambuli (Rudi, 71), Bentaleb, Kalidjuri (Shopf, 62), Konoplyanka, Maskarel, Skribski (Xarit, 46), Di Santo.
Ogohlantirishlar: Maskarel (28), Korona (78), Rudi (86).