“Bunyodkor” Pepsi Superliganing 32-turidan o‘rin olgan “Paxtakor”ga qarshi o‘yindan avvalgi so‘nggi mashg‘ulotlarni o‘tkazishdi.

Mashg‘ulotlar avvalida jamoaning yagona legioneri Filip Rayevasga ham “Bunyodkor”dagi faoliyati uchun minnatdorchilik belgisi sifatida esdalik sovg‘alari topshirildi.

Oilaviy muammolari sabab bugun  Germaniyaga uchib ketgan Rayevasga bosh murabbiy Mirjalol Qosimov klub erishgan natijalarda o‘zining o‘yinlari va gollari bilan munosib hissa qo‘shganligini ta’kidlab, tashshakkur aytdi hamda shifoxonada davolanayotgan futbolchining otasi tezroq tuzalib oyoqqa turishini tiladi.

O‘z navbatida futbolchi ham murabbiylar shtabiga hamda jamoadoshlariga  minnatdorchilik bildirib o‘tdi.