“Бунёдкор” Pepsi Суперлиганинг 32-туридан ўрин олган “Пахтакор”га қарши ўйиндан аввалги сўнгги машғулотларни ўтказишди.
Машғулотлар аввалида жамоанинг ягона легионери Филип Раевацга ҳам “Бунёдкор”даги фаолияти учун миннатдорчилик белгиси сифатида эсдалик совғалари топширилди.
Оилавий муаммолари сабаб бугун Германияга учиб кетган Раевацга бош мураббий Миржалол Қосимов клуб эришган натижаларда ўзининг ўйинлари ва голлари билан муносиб ҳисса қўшганлигини таъкидлаб, ташшаккур айтди ҳамда шифохонада даволанаётган футболчининг отаси тезроқ тузалиб оёққа туришини тилади.
Ўз навбатида футболчи ҳам мураббийлар штабига ҳамда жамоадошларига миннатдорчилик билдириб ўтди.
