“Paxtakor” – “Bunyodkor” uchrashuvidan so‘ng mehmonlar ustozi Mirjalol Qosimov quyidagicha fikr bildirdi:
- “Bunyodkor” mavsum davomida yomon o‘yin ko‘rsatmadi. Muxlislari mehrini qozonishga urindi. “Paxtakor” jamoasini esa bugungi haqli tarzda erishilgan g‘alaba bilan tabriklayman. Biz biroz erta “ta’tilga chiqib qo‘ydik” shekilli.
Lekin bugungi mag‘lubiyat yigitlar uchun yaxshigina mahorat vazifasini o‘tashiga aminman. Bugungi qayd etilgan natijadan qat’iy nazar, men shogirdlarim bilan faxrlanaman. Endi mavsum tugagani bois biroz hordik chiqaramiz. Shu o‘rinda OAV vakillariga mavsum davomida imkon qadar yaxshi faoliyat olib borishgani uchun minnatdorchilik bildiraman, - dedi murabbiy.
