Italiya chempionatining 14-turi doirasida markaziy o‘yin bo‘lib o‘tdi. Rimda o‘tkazilgan "Roma" va "Inter" jamoalari o‘rtasidagi o‘yinda durang qayd etildi.

Milanliklar o‘yin davomida ikki marta oldinda borib, yakunda g‘alabani qo‘ldan chiqarishdi. Uchrashuvning 37-daqiqasida Keyta Balde hisobni ochgan bo‘lsa, ikkinchi bo‘lim boshida Under muvozanatni tikladi. Bahsning 66-daqiqasida Mauro Ikardi "Inter"ni yana hisobda oldinga olib chiqdi. O‘yin tugashiga 16 daqiqa qolganida Kolarov penaltidan unumli foydalanib, yakuniy hisobni o‘rnatdi — 2:2.

Mazkur durang tufayli "neradzurri" 29 ochko bilan 2-o‘ringa ko‘tarilib oldi. Ammo shuncha ochkoga ega bo‘lib turgan "Napoli" 14-tur bahsini bugun o‘tkazadi. "Roma" esa 20 ochko bilan 7-o‘ringa tushib qoldi.

Italiya A seriyasi, 14-tur
Roma – Inter 2:2 (0:1, 2:1)
Gollar: 0:1 – 37 Keyta Balde, 1:1 – 51 Under, 1:2 – 66 Ikardi, 2:2 – 74, penalti Kolarov.
Roma – Olsen, Santon (Klyuyvert, 69), Manolas, Jezus, Kolarov, Kristante, Nzonzi, Under (Pastore, 83), Dzanyolo (Perotti, 77), Florensi, Shik.
Inter – Xandanovich, D`Ambrozio, de Vrey, Shkrinyar, Asamoa, Valero (Vesino, 80), Brozovich, Joau Mariu, Keyta Balde (Politano, 62), Ikardi, Perishich (Martines, 80).
Ogohlantirishlar: Asamoa (48), Kolarov (79).