Италия чемпионатининг 14-тури доирасида марказий ўйин бўлиб ўтди. Римда ўтказилган "Рома" ва "Интер" жамоалари ўртасидаги ўйинда дуранг қайд этилди.

Миланликлар ўйин давомида икки марта олдинда бориб, якунда ғалабани қўлдан чиқаришди. Учрашувнинг 37-дақиқасида Кейта Бальде ҳисобни очган бўлса, иккинчи бўлим бошида Ундер мувозанатни тиклади. Баҳснинг 66-дақиқасида Мауро Икарди "Интер"ни яна ҳисобда олдинга олиб чиқди. Ўйин тугашига 16 дақиқа қолганида Коларов пенальтидан унумли фойдаланиб, якуний ҳисобни ўрнатди — 2:2.

Мазкур дуранг туфайли "нерадзурри" 29 очко билан 2-ўринга кўтарилиб олди. Аммо шунча очкога эга бўлиб турган "Наполи" 14-тур баҳсини бугун ўтказади. "Рома" эса 20 очко билан 7-ўринга тушиб қолди.

Италия А серияси, 14-тур
Рома – Интер 2:2 (0:1, 2:1)
Голлар: 0:1 – 37 Кейта Бальде, 1:1 – 51 Ундер, 1:2 – 66 Икарди, 2:2 – 74, пенальти Коларов.
Рома – Ольсен, Сантон (Клюйверт, 69), Манолас, Жезус, Коларов, Кристанте, Нзонзи, Ундер (Пасторе, 83), Дзаньоло (Перотти, 77), Флоренци, Шик.
Интер – Ханданович, Д`Амброзио, де Врей, Шкриньяр, Асамоа, Валеро (Весино, 80), Брозович, Жоау Мариу, Кейта Бальде (Политано, 62), Икарди, Перишич (Мартинес, 80).
Огоҳлантиришлар: Асамоа (48), Коларов (79).