Shu kunlarda baydarka va kanoeda eshkak eshish bo‘yicha O‘zbekiston terma jamoasi a’zolari Milliy olimpiya qo‘mitasi qoshidagi Respublika sport tibbiyoti ilmiy-amaliy markazida chuqurlashtirilgan tibbiy testdan o‘tishmoqda. Kardioresperator yuklamasi testlari orqali sportchilarning jismoniy holatiga umumiy baho beriladi. Ana shu test natijalari asosida, mashg‘ulot jarayonlarida sportchilarga individual yuklamalar beriladi.

Qayd etish lozimki, bunday amaliyotdan asosan jahonning yetakchi sport mamlakatlari foydalanadilar. Kardioresperator testini o‘tkazuvchi moslama Markaziy Osiyoda faqat Toshkentda mavjud. Ushbu chuqurlashtirilgan testlardan bosqichma-bosqich boshqa sport turlarida faoliyat olib boradigan sportchilarimiz ham o‘tkazilishi ko‘zda tutilgan.