9 dekabr kuni Doha shahrida bo‘lib o‘tadigan Tojikiston va Yaman milliy terma jamoalari o‘rtasidagi o‘rtoqlik uchrashuvi qoldirildi.

Tojikiston futbol federasiyasidan berilgan xabarga ko‘ra, uchrashuvning bekor qilinishiga sabab, Yaman terma jamoasi tayyorgarlik rejalarini o‘zgartirgan va Doxada bo‘lib o‘tadigan o‘rtoqlik uchrashuvlarida qatnashish uchun yetib kelmagan.

Mazkur o‘rtoqlik uchrashuvlari BAAda bo‘lib o‘tadigan Osiyo Kubogi – 2019 final bosqichidan oldin o‘tkazilmoqda.

Tojikiston futbol federasiyasi matbuot xizmati xodimi Faridun Soliyevning aytishicha, Tojikiston milliy terma jamoasi 10 dekabrga qadar Doxada bo‘lib o‘tadigan o‘quv-mashg‘ulot o‘yinlarida ishtirok etadi.

Ushbu o‘yinlarda tojik futbolchilariga o‘zbekistonlik trener Usmon Toshev boshchilik qiladi.

11 dekabr kuni Tojikiston terma jamoasi Maskatga yo‘l oladi va u yerda 13, 16 dekabr kunlari Ummon terma jamoasi bilan o‘rtoqlik uchrashuvlarini o‘tkazadi.

“Bu yilgi o‘rtoqlik uchrashuvlarining yakuniy o‘yinida Tojikiston terma jamoasi Bahrayn terma jamoasi bilan maydonga tushadi. O‘yin 20 dekabr kuni Manamada bo‘lib o‘tadi”, dedi Faridun Soliyev.