9 декабрь куни Доҳа шаҳрида бўлиб ўтадиган Тожикистон ва Яман миллий терма жамоалари ўртасидаги ўртоқлик учрашуви қолдирилди.
Тожикистон футбол федерациясидан берилган хабарга кўра, учрашувнинг бекор қилинишига сабаб, Яман терма жамоаси тайёргарлик режаларини ўзгартирган ва Дохада бўлиб ўтадиган ўртоқлик учрашувларида қатнашиш учун етиб келмаган.
Мазкур ўртоқлик учрашувлари БААда бўлиб ўтадиган Осиё Кубоги – 2019 финал босқичидан олдин ўтказилмоқда.
Тожикистон футбол федерацияси матбуот хизмати ходими Фаридун Солиевнинг айтишича, Тожикистон миллий терма жамоаси 10 декабрга қадар Дохада бўлиб ўтадиган ўқув-машғулот ўйинларида иштирок этади.
Ушбу ўйинларда тожик футболчиларига ўзбекистонлик тренер Усмон Тошев бошчилик қилади.
11 декабрь куни Тожикистон терма жамоаси Маскатга йўл олади ва у ерда 13, 16 декабрь кунлари Уммон терма жамоаси билан ўртоқлик учрашувларини ўтказади.
“Бу йилги ўртоқлик учрашувларининг якуний ўйинида Тожикистон терма жамоаси Баҳрайн терма жамоаси билан майдонга тушади. Ўйин 20 декабрь куни Манамада бўлиб ўтади”, деди Фаридун Солиев.
