“Paxtakor”ning braziliyalik legioneri Superliga-2018 yakunlariga ko‘ra, eng yaxshi to‘purar bo‘ldi.
Shuningdek, Bezerra “gol+pas” tizimi bo‘yicha ham eng yaxshi ko‘rsatkichni qayd etdi. Tiago o‘tkazilgan uchrashuvlarda 17 marta raqiblari darvozasini ishg‘ol qilib, 5 ta golga assistentlik qildi.
Uning “sherlar” safidagi foydali ish koeffisiyenti juda yuqori ekanligi ayni haqiqat. Yodingizda bo‘lsa, deyarli barcha uchrashuvlarda o‘z nomini tabloga yozdirib qo‘ygan bu futbolchi so‘nggi turda “Bunyodkor”ga qarshi bahsda “xet-trik” qayd etgandi.
Shubhasiz, Tiago Bezerra yakuniga yetgan mavsumning eng yaxshi futbolchisi bo‘lish uchun asosiy da’vogarlardan biridir.
