“Пахтакор”нинг бразилиялик легионери Суперлига-2018 якунларига кўра, энг яхши тўпурар бўлди.

Шунингдек, Безерра “гол+пас” тизими бўйича ҳам энг яхши кўрсаткични қайд этди. Тиаго ўтказилган учрашувларда 17 марта рақиблари дарвозасини ишғол қилиб, 5 та голга ассистентлик қилди.

Унинг “шерлар” сафидаги фойдали иш коэффициенти жуда юқори эканлиги айни ҳақиқат. Ёдингизда бўлса, деярли барча учрашувларда ўз номини таблога ёздириб қўйган бу футболчи сўнгги турда “Бунёдкор”га қарши баҳсда “хет-трик” қайд этганди.

Шубҳасиз, Тиаго Безерра якунига етган мавсумнинг энг яхши футболчиси бўлиш учун асосий даъвогарлардан биридир.