Xabaringiz bor, bugun Qatar poytaxti Doha shahrida FIFAning navbatdagi sammiti ish boshladi. Ushbu sammitda 50ta mamlakat futbol assosiasiyalari rahbarlari qatorida O‘zbekiston futbol assosiasiyasi 1-vise-prezidenti Umid Ahmadjonov ham qatnashmoqda. Sammit sessiyalari davomida bir qator masalalar muhokama qilinmoqda.
Jumladan, ayollar futboli, FIFA Forward dasturi bo‘yicha amaliy chora-tadbirlar, VAR tizimi masalalari bo‘yicha fikr almashilmoqda.
Shuningdek, sammit davomida Klublar o‘rtasidagi Jahon chempionati formati ham qayta ko‘rib chiqildi va ushbu musobaqaning formatini o‘zgartirish masalasi ovozga qo‘yildi. Unga ko‘ra sammit ishtirokchilarining aksariyati Klublar o‘rtasidagi Jahon chempionati har ikki yilda o‘tkazilishi va ushbu musobaqada 24ta klub qatnashishini yoqlab ovoz berishdi. Ushbu o‘zgarishlar Klublar o‘rtasidagi Jahon chempionati nufuzini oshirishga qaratilgan bo‘lib, bu orqali FIFA mazkur turnirga bo‘lgan qiziqishni oshirishni maqsad qilgan.
Bundan tashqari sammit davomida 2022 yilda Qatarda bo‘ladigan Jahon chempionati ishtirokchilari sonini oshirish masalasi ham muhokama qilindi. Ishtirokchilar o‘rtasida bu masala ovozga qo‘yilganda, 85 foiz sammit qatnashchilari JCH-2022 da 48ta terma jamoa qatnashishini yoqlab ovoz berishdi. Shuni alohida qayd etish kerakki, FIFAga a’zo 211ta mamlakat vakillari orasidan ushbu sammitda qatnashishga 50ta federasiya va assosiasiyalar taklif qilingan. Ular orasida O‘zbekiston futbol assosiasiyasining borligi FIFA tomonidan bizga bildirilayotgan ishonchdan darak beradi.
Endilikda, FIFA bugungi ovoz berish jarayonlarini umumlashtirib, keyin Ijroiya qo‘mitasi yig‘ilishlarida mazkur masalalar - Klublar o‘rtasidagi JCH formatini o‘zgartirish va JCH-2022 ishtirokchilari sonini 48taga yetkazish bo‘yicha yakuniy qaror qabul qiladi.
Eron terma jamoasi Trampning JCHda ishtirok etishiga oid so‘zlaridan keyin bayonot berdi [4378]
Arbeloa Gyulerga yaxshi sherik topdi [3391]
Ueyn Runi «Barselona»ning eng zaif nuqtasini aytdi [2731]
"Barsa" rahbariyati qattiq afsusda [2453]
“Real”dan uchralgan mag‘lubiyat “Man Siti” futbolchilarini shok holatiga tushirdi — manba [2442]
Yevropa ligasi. 1/8 final. Ilk uchrashuvlar natijalari [1992]
"Real" bosh murabbiyi Kilian Mbappening qachon safga qaytishini ma’lum qildi [1875]
Vinisius Junior "Real"dan ketish imkoniyatini ko‘rib chiqmoqda [1859]
Azar Messi va Ronaldu o‘rtasida tanlov qildi [1717]
Alvaro Arbeloa «Elche» bilan o‘yinda «Real» tarkibida katta o‘zgarishlar qiladi [1615]
