Bugun PFL tomonida yilning eng yaxshilari taqdirlandi. Unga ko‘ra Superliganing eng yaxshi yosh futbolchisi nominasiya g‘olibi “Navbahor” futbolchisi Oston Urunovga nasib qildi. Taqdirlash marosimidan so‘ng futbolchi saytimizga o‘z taasurotlari bilan o‘rtoqlashdi.
O‘tgan mavsum siz uchun qanday o‘tdi?
- Men uchun mavsum ancha qiziqarli o‘tdi va juda omadli keldi. Qolaversa, jamoamizda katta o‘zgarishlar bo‘ldi. Ya’ni biz klub sifatida rivojlanishga erishdik.
–Nima deb o‘ylaysiz Kuper sizni MTJga chaqiradimi?
- Albatta, terma jamoada o‘ynash har bir futbolchining orzusi. Kelajakda vatanimiz uchun bor kuchimiz bilan yordam berishga harakat qilamiz.
“Navbahor” muxlislari ushbu mavsum sizlarni faol tarzda qo‘llab-quvvatlashdi. Ular haqida qanday fikrdasiz?
- Bizning muvaffaqiyatimizning bir qismi ularga ham tegishli. Ishqibozlarga tashakkur bildiraman.
Oston Urunov “Navbahor”dan ketadi, shu gap rostmi?
Balki, ayni damda top klublar menga qiziqish bildirmoqda. Biroq qaysi klublar ekanligini sir saqlaganim ma’qul”, - deydi Oston Urunov.
Abror Eshonxonov yozib oldi
