Бугун ПФЛ томонида йилнинг энг яхшилари тақдирланди. Унга кўра Суперлиганинг энг яхши ёш футболчиси номинация ғолиби “Навбаҳор” футболчиси Остон Уруновга насиб қилди. Тақдирлаш маросимидан сўнг футболчи сайтимизга ўз таасуротлари билан ўртоқлашди.
Ўтган мавсум сиз учун қандай ўтди?
- Мен учун мавсум анча қизиқарли ўтди ва жуда омадли келди. Қолаверса, жамоамизда катта ўзгаришлар бўлди. Яъни биз клуб сифатида ривожланишга эришдик.
–Нима деб ўйлайсиз Купер сизни МТЖга чақирадими?
- Албатта, терма жамоада ўйнаш ҳар бир футболчининг орзуси. Келажакда ватанимиз учун бор кучимиз билан ёрдам беришга ҳаракат қиламиз.
“Навбаҳор” мухлислари ушбу мавсум сизларни фаол тарзда қўллаб-қувватлашди. Улар ҳақида қандай фикрдасиз?
- Бизнинг муваффақиятимизнинг бир қисми уларга ҳам тегишли. Ишқибозларга ташаккур билдираман.
Остон Урунов “Навбаҳор”дан кетади, шу гап ростми?
Балки, айни дамда топ клублар менга қизиқиш билдирмоқда. Бироқ қайси клублар эканлигини сир сақлаганим маъқул”, - дейди Остон Урунов.
Аброр Эшонхонов ёзиб олди
