«Tottenhem Hotspur» bosh murabbiyi Maurisio Pochettino «shporlar» murabbiyligida Angliya Premyer-ligasida ajoyib natija qayd etmoqda.

15 dekabr kuni londonliklar jamoasi 17-tur doirasida «Byornli»dan ustun keldi (1:0).

Opta ma’lumotiga ko‘ra, bu g‘alaba argentinalik murabbiy Maurisio Pochettino uchun «Tottenhem» rahbarligidagi 100-g‘alaba bo‘ldi. Pochettino jamoani APLning 169 o‘yinida maydonga boshlab tushgan.

Qayd etilishicha, bunday natijaga «Arsenal»ning sobiq bosh murabbiyi Arsen Venger ham erishgan, ammo u 179 o‘yinda 100-g‘alabasini nishonlagan.

«Tottenhem» 17 turdan keyin Premyer-liga turnir jadvalida 39 ochko to‘plagan holda uchinchi o‘rinda joylashgan. «Shporlar»dan yuqorida «Manchester Siti» (44) va «Liverpul» (42) joylashgan.