"Manchester Yunayted" yarim himoyachisi Pol Pogba klub bosh murabbiyi Joze Mourinyoning iste’foga chiqarilganini quvonch bilan kutib oldi.
Klubning bu boradagi rasmiy bayonoti e’lon qilinganidan ko‘p o‘tmasdan Pogba Tvitterdagi sahifasiga o‘zining suratini joyladi. Unda futbolchi ayyorona tabassum qilib turibdi. Pol ushbu rasm ostiga quyidagicha yozuv qoldirdi: "Rasmga izoh bering".
Ammo oradan ko‘p o‘tmasdan fransiyalik futbolchi ushbu tvit va rasmni o‘chirib tashladi.
Eslatib o‘tamiz, Pol Pogba va Joze Mourinyoning o‘zaro munosabatlari yaxshi bo‘lmadi. Futbolchi murabbiy tufayli "Old Trafford"ni tark etishni istagandi.
