19 dekabr kuni Toshkent viloyatining Chirchiq shahrida kurash bo‘yicha jamoalar o‘rtasida O‘zbekiston kubogi start oldi.
O‘zbekiston davlat jismoniy tarbiya va sport universitetining sport majmuasida o‘tayotgan bellashuvlar erkaklar o‘rtasida 60, 66, 73, 81, 90, 100 kilogrammgacha hamda undan yuqori, ayollar o‘rtasida esa 48, 52, 57, 63, 70, 78, 87 kilogrammgacha va undan yuqori bo‘lgan vazn toifalarida tashkil etilmoqda.
Erkaklar bahslarida 2000 yilda tug‘ilgan va undan katta yoshdagi polvonlar, ayollar o‘rtasidagi bellashuvlarda esa 2001 yil tug‘ilgan va undan katta yoshdagi sportchilar g‘oliblik uchun kurash olib bormoqda.
Musobaqa nizomiga ko‘ra, har bir jamoa tarkibidan ko‘pi bilan 14 nafar erkak va 16 nafar ayol sportchi o‘rin olishi va bellashuvlarda ishtirok etishi mumkin.Bahslar bugun nihoyasiga yetadi.
