19 декабрь куни Тошкент вилоятининг Чирчиқ шаҳрида кураш бўйича жамоалар ўртасида Ўзбекистон кубоги старт олди.

Ўзбекистон давлат жисмоний тарбия ва спорт университетининг спорт мажмуасида ўтаётган беллашувлар эркаклар ўртасида 60, 66, 73, 81, 90, 100 килограммгача ҳамда ундан юқори, аёллар ўртасида эса 48, 52, 57, 63, 70, 78, 87 килограммгача ва ундан юқори бўлган вазн тоифаларида ташкил этилмоқда.

Эркаклар баҳсларида 2000 йилда туғилган ва ундан катта ёшдаги полвонлар, аёллар ўртасидаги беллашувларда эса 2001 йил туғилган ва ундан катта ёшдаги спортчилар ғолиблик учун кураш олиб бормоқда.

Мусобақа низомига кўра, ҳар бир жамоа таркибидан кўпи билан 14 нафар эркак ва 16 нафар аёл спортчи ўрин олиши ва беллашувларда иштирок этиши мумкин.Баҳслар бугун ниҳоясига етади.