Hindiston terma jamoasi va mahalliy “Bengaluru” klubi hujumchisi Sunil Chetri Osiyo kubogi musoabqasi oldidan o‘z fikrlarini bayon etdi.

“Musobaqa BAAda bo‘lib o‘tayotgani biz uchun katta plyus, chunki bir qancha vatandoshlarimiz bu mamlakatni o‘zlariga makon qilishgan va shu yerda yashashadi. Biz ulardan iloji boricha Hindistonni qo‘llab-quvvatlash va biz o‘ynagan stadion tribunalarini ko‘proq to‘ldirishini so‘ragan bo‘lardik.

So‘nggi oylar biz uyda, o‘z muxlislarimiz ko‘z oldida yaxshigini mehrga ega bo‘ldik. Albatta, muxlislaring bor stadionlarda o‘ynash yoqimli. Ishonch bilan aytaman, hindistonliklar BAAda bizni keragicha qo‘llab-quvvatlashadi.

Guruhdan chiqish imkoniyatimiz yo‘q emas, shu bilan birga muxlislar musobaqada bizga qo‘shimcha kuch bo‘lishadi. Aynan mana shunday muhitni eng yaxshi deb ta’riflash joiz. Asosiysi bu yerga sog‘-salomat yetib kelganimiz”, - deydiSunil Chetri.

Ma’lumot o‘rnida, Sunil Chetri Hindiston terma jamoasi tarkibida eng ko‘p gol urgan futbolchi hisoblanadi.

Eslatib o‘tamiz, hindistonliklar Osiyo kubogi musobaqasida “A” guruhidan joy olgan bo‘lib, ular musobaqa mezboni BAA, Bahrayn va Tailand termalariga qarshilik qilishadi.

BAAga birinchilardan bo‘lib yetib kelgan hindistonliklar guruh bosqichini 14 yanvar kuni Bahraynga qarshi o‘yin bilan yakunlashadi.