«Milliy sport mukofoti-2018» marosimida «Xalqaro maydonlarda o‘zbek sportini targ‘ib qilgani uchun» yo‘nalishida jahon gimnastikasi afsonasi Oksana Chusovitina g‘olib bo‘ldi. Sportchi MOQ matbuot va media departamenti vakillariga bergan intervyusida ortda qolayotgan yil yakunlari va rejasi bilan o‘rtoqlashdi.

«Sportchi doimo «bundanda yaxshiroq natija ko‘rsatishim mumkin edi» degan fikrda bo‘ladi. Umuman olganda, yil yomon o‘tmadi. Menga ovoz bergan, qo‘llab-quvvatlagan muxlislarga o‘z minnatdorchiligimni bildiraman. Shuni aytishni istardimki, o‘z harakati va xizmatlari sabab har bir sportchi e’tirofga loyiq. Bu safar omad menga kulib boqdi.

Muvaffaqiyatlaringni qadrlab, mukofot berishlari juda yoqimli. Biz ayollar sovg‘alarni juda yaxshi ko‘ramiz. Sovg‘a biz uchun bayram. Ushbu esdalik sovrini kubok va medallarim jamlanmasini bezab turadi. Har bir g‘alaba meni oldinga chorlaydi. Xudo xohlasa keyingi yil bundanda yaxshiroq harakat qilaman va 2019 yil oxiriga borib o‘zim uchun sakkizinchi bo‘lgan Olimpiya o‘yinlarida ishtirok etishim haqidagi savolga javob olamiz. Avvaldan xech narsa deya olmayman. Barchani yaqinlashib kelayotgan bayram bilan muborakbod etaman», – dedi Oksana Chusovitina.