«Milliy sport mukofoti-2018» taqdirlash marosimida pauerlifting bo‘yicha Paraosiyo o‘yinlari g‘olibi Roza Qo‘ziyeva «Yilning eng yaxshi paralimpiyachisi» yo‘nalishida tengsiz bo‘ldi. Taqdirlash marosimidan so‘ng Roza o‘z fikrlari bilan o‘rtoqlashdi.
«Indoneziyada o‘tkazilgan Paraosiyo o‘yinlari men uchun juda muvaffaqiyatli bo‘ldi. Ilk marotaba komleks musobaqada ishtirok etdim va oltin medalga sazovor bo‘ldim. Hayajon kuchli bo‘lgandi. Ortda qolayotgan yil men uchun yodda qolarli bo‘ldi. Mazkur yo‘nalishda g‘olib bo‘lganimdan juda xursandman. Ushbu mukofot menga qo‘shimcha kuch bag‘ishlaydi. Navbatdagi maqsadim – Tokio-2020 Paralimpiya o‘yinlarida qatnashishdir. Buning uchun lisenzion musobaqalarda ishtirok etishim lozim. Bu mening asosiy vazifam hisoblanadi»,-dedi sportchi.
