Londonning “Arsenal” klubi yarim himoyachisi Aaron Remzi hozircha kelajagi borasida bir qarorga kelmadi deb xabar beradi BBC.

Manbaning xabar berishicha, uelslik futbolchi “Real”, “Bavariya”, “Inter”, “Yuventus” va PSJ klublarini taklifini ko‘rib chiqmoqda.

Uning “Arsenal” bilan tuzgan amaldagi shartnomasi yarim yildan so‘ng tugaydi. Shuning uchun, Remzi o‘ziga yangi klub izlamoqda ammo, 28 yoshli futbolchi yangi jamoasida yaxshi maosh va mukofot pullarini ham olishni istaydi.

Ma’lumot uchun, joriy mavsum Remzi “Arsenal” safida 23 ta o‘yinda maydonga tushdi va ikkita gol urdi.