Futbol TV kanali muxbirlari BAAning Dubay shahrida bo‘lib o‘tadigan Osiyo kubogi boshlanishidan avval O‘zbekiston milliy terma jamoasi himoyachisi Islom To‘xtaxo‘jayev bilan intervyu uyushtirdi.
“Osiyo kubogiga yaxshi tayyorgarlik ko‘ryapmiz. Mashg‘ulotlar a’lo darajada olib borilmoqda. Guruhimizdagi barcha jamoalar kuchli. Osiyo kubogiga kuchsiz jamoalar kelishmaydi. Nasib qilsa Yaponiya terma jamoasini yana bir bor mag‘lub etamiz.
Yaponiyani Osiyodagi eng kuchli jamoalardan biri, deb bilaman. Yaponlarga qarshi o‘ynash doimo qiziqarli bo‘lgan. Bosh murabbiyimiz barcha futbolchilarga bir xil munosabatda.
Osiyo kubogida g‘alaba qozonamiz, doimo o‘zingizga ishoning, ilojsiz narsaning o‘zi yo‘q”, deya fikr bildirgan Islom.
