Futbol TV канали мухбирлари БААнинг Дубай шаҳрида бўлиб ўтадиган Осиё кубоги бошланишидан аввал Ўзбекистон миллий терма жамоаси ҳимоячиси Ислом Тўхтахўжаев билан интервью уюштирди.
“Осиё кубогига яхши тайёргарлик кўряпмиз. Машғулотлар аъло даражада олиб борилмоқда. Гуруҳимиздаги барча жамоалар кучли. Осиё кубогига кучсиз жамоалар келишмайди. Насиб қилса Япония терма жамоасини яна бир бор мағлуб этамиз.
Японияни Осиёдаги энг кучли жамоалардан бири, деб биламан. Японларга қарши ўйнаш доимо қизиқарли бўлган. Бош мураббийимиз барча футболчиларга бир хил муносабатда.
Осиё кубогида ғалаба қозонамиз, доимо ўзингизга ишонинг, иложсиз нарсанинг ўзи йўқ”, дея фикр билдирган Ислом.
