Xabaringiz bor, kecha BAA da osiyo kubogiga start berildi. Bu turnirga hozirda har doimgidanda qiziqish katta. Biz ham saytimiz hodimlari bilan musobaqani yoritib borishga harakat qilamiz
Kuchsiroq ko‘ringan BAA…
Kecha turnirni ochib bergan «BAA – Baxrayn» uchrashuvini kuzatgan bo‘lsangiz kerak. O‘yin deyarli teng kurashlarda o‘tdi. Zakkeroni tuzgan jamoa yo birinchi uchrashuv bo‘lgani uchunmi, yo muxlislar bosimini ko‘tara olmadimi, yoki yana boshqa sabab bormi, bilmadik, lekin o‘yinlari umuman qovushmadi. Baxrayn esa aksincha, uyushqoq futbol o‘ynadi va qarshi hujumlarda chiroyli harakat qildi. O‘sha kuni BAA ga nisbatan Baxrayn ustunroq ko‘rindi
Osiyo Kubogi kundaligi…
Turnirning ikkinchi kunida bizni ajoyib to‘qnashuvlar kutib turibdi. Birinchi turda qo‘lga kiritilgan ochkolarning naqadar qadrli ekanligini hisobga olsak jamoalar ilk turlardan qimmatli ochkolar uchun haqiqiy jang namoyish etishadi. Bu yilgi turnirda oson o‘yin bo‘lmasligini va hamma futbol o‘ynashni o‘rganib olganini kechagi o‘yin ko‘rsatib berdi. Baxrayn maydon egalarini sensasion ravishda mag‘lubiyatga uchratishlari mumkin edi. So‘nggi daqiqalardagi penaltiy BAA ni qutqarib qoldi. Bugun Osiyo kuboglarida anchadan beri ko‘rinmay qolgan Hindiston termasi maydonga tushadi. Bu ham muxlislarda qiziqish uyg‘otsa, ajab emas. Sababi Hindistonda hozir progress ketmoqda…
Bizga yaxshi tanish Suriya termasi Falastin bilan kuch sinashadi. Bugun birinchi turdagi eng markaziy uchrashuvlaridan biri, Avstraliya va Iordaniya to‘qnashuvi. Amaldagi chempionlar uchun Iordaniya har doim noqulay raqib bo‘lgan. Bu uchrashuv gollarga boy o‘tishi kutilmoqda. Bugungi uchrashuvlar vaqti va tartibi quyidagicha:
Avstraliya – Iordaniya 16:00
Tailand – Hindiston 18:30
Suriya – Falastin 21:00
O‘yinlarni o‘tkazib yubormang. Turnir buyog‘iga qizigandan qiziydi!
