Birlashgan Arab Amirliklari mamlakatida Osiyo Kubogi musobaqasiga start berildi. Ushbu turnirda O‘zbekiston milliy terma jamoasi "F" guruhida Yaponiya, Turkmaniston va Ummon terma jamoalariga qarshi bahs olib boradi.
Musobaqadagi ilk uchrashuv ertaga, 9 yanvar kuni Ummon terma jamoasiga qarshi bo‘lib o‘tadi. Ayni paytda Ummon terma jamoasini tajribali gollandiyalik mutaxassis Pim Verbek boshqarmoqda. Ummonliklar Verbek qo‘l ostida shu yilning yanvar oyida Fors Ko‘rfazi musobaqasida g‘alaba qozongan edi.
Xullas, O‘zbekiston milliy terma jamoasining Ummonga qarshi o‘yinlari tarixiga nazar tashlaydigan bo‘lsak, bu terma jamoaga qarshi jami 5 ta o‘yin o‘tkazgan ekanmiz. Shularning bittasida g‘alaba qozonib, 4 tasida mag‘lubiyatga uchraganmiz.
To‘plar nisbati 8-7 raqiblar foydasiga. O‘zbekiston Ummonni 17 yil avval, ya’ni 2001 yilning 8 sentyabr kuni yirik 5:0 hisobida mag‘lub etgan. Qolgan 4 ta o‘yinda MTJ faqat mag‘lubiyat alamini totib ko‘rgan. Siz nima deb o‘ylaysiz ertaga bu statistika va yomon an’anaga chek qo‘yiladimi?
Quyida e’tiboringizga bo‘lib o‘tgan uchrashuvlar natijasi bilan tanishtirib o‘tamiz:
08.09.2001 O‘zbekiston - Ummon 5:0
13.10.2001 Ummon - O‘zbekiston 4:2
20.08.2008 Ummon - O‘zbekiston 2:0
27.05.2014 O‘zbekiston - Ummon 0:1
29.05.2014 O‘zbekiston - Ummon 0:1.
Dubay shahridan maxsus
