Бирлашган Араб Амирликлари мамлакатида Осиё Кубоги мусобақасига старт берилди. Ушбу турнирда Ўзбекистон миллий терма жамоаси "F" гуруҳида Япония, Туркманистон ва Уммон терма жамоаларига қарши баҳс олиб боради.

Мусобақадаги илк учрашув эртага, 9 январь куни Уммон терма жамоасига қарши бўлиб ўтади. Айни пайтда Уммон терма жамоасини тажрибали голландиялик мутахассис Пим Вербек бошқармоқда. Уммонликлар Вербек қўл остида шу йилнинг январь ойида Форс Кўрфази мусобақасида ғалаба қозонган эди.

Хуллас, Ўзбекистон миллий терма жамоасининг Уммонга қарши ўйинлари тарихига назар ташлайдиган бўлсак, бу терма жамоага қарши жами 5 та ўйин ўтказган эканмиз. Шуларнинг биттасида ғалаба қозониб, 4 тасида мағлубиятга учраганмиз.

Тўплар нисбати 8-7 рақиблар фойдасига. Ўзбекистон Уммонни 17 йил аввал, яъни 2001 йилнинг 8 сентябрь куни йирик 5:0 ҳисобида мағлуб этган. Қолган 4 та ўйинда МТЖ фақат мағлубият аламини тотиб кўрган. Сиз нима деб ўйлайсиз эртага бу статистика ва ёмон анъанага чек қўйиладими?

Қуйида эътиборингизга бўлиб ўтган учрашувлар натижаси билан таништириб ўтамиз:

08.09.2001 Ўзбекистон - Уммон 5:0

13.10.2001 Уммон - Ўзбекистон 4:2

20.08.2008 Уммон - Ўзбекистон 2:0

27.05.2014 Ўзбекистон - Уммон 0:1

29.05.2014 Ўзбекистон - Уммон 0:1.

Акмал Эшонхонов

Дубай шаҳридан махсус