Akmal Eshonxonov
Sharja shahridan maxsus
O‘zbekiston terma jamoasi kecha, 9 yanvar kuni Birlashgan Arab Amirliklarining Sharja shahrida Ummonga qarshi bahs olib borib, 2:1 hisobida g‘alaba qozondi.
Terma jamoa ushbu o‘yinda g‘alaba qozongan bo‘lsada, lekin ayrim futbol mutaxassislari Ektor Kuper boshqarayotgan MTJ o‘yinini tanqid qilishdi. Ha, ular to‘g‘ri qilishadi, shu qatorda men ham terma jamoa futbolchilarining o‘yiniga ijobiy baho bermagan bo‘lardim.
Chunki tanqid kelajak mevasi. Ustiga-ustak, jiddiy maqsad bilan Osiyo kubogi musobaqasida ishtiroketayogan jamoa futbolchilarining ko‘zida olov yonadi. Bu olov shunday yonishi kerak-ki, raqib maydon markazidan o‘tgan zahoti ularni kuydirishi kerak.
Xullas, biroz avval Stadion.uz internet nashri orqali o‘yindan olingan suratlar fotogalereyasi taqdim etilgandi.
Endilikda e’tiboringizga xunuk o‘yindan olingan yana bir komplekt chiroyli suratlarni taqdim etamiz. Yegor Krimesning qizil kartochka bilan jazolanayotgani bundan mustasno...
