Angliya liga kubogining yarim final bosqichi doirasida ikkinchi o‘yin bo‘lib o‘tdi. «Manchester Siti» klubi o‘z maydonida quyi liga klubi — «Berton»ni qabul qilib, futbolga xos bo‘lmagan hisobda mag‘lub etdi.

"Shaharliklar" raqib darvozasiga naq 9ta to‘p yo‘llashdi. "Berton" esa biror marta javob qaytara olmadi. Gabriyel Jezus "poker"ga erishdi. Shu tariqa, "Siti" hali oldinda javob o‘yini bo‘lishiga qaramay, amalda final yo‘llanmasini hal qilib bo‘ldi.

Angliya liga kubogi, yarim final, dastlabki
Manchester Siti – Berton 9:0 (4:0, 5:0)
Gollar: 1:0 – 5 de Bryuyne, 2:0 – 30 Gabriel Jezus, 3:0 – 34 Gabriel Jezus, 4:0 – 37 Zinchenko, 5:0 – 57 Gabriel Jezus, 6:0 – 62 Foden, 7:0 – 65 Gabriel Jezus, 8:0 – 70 Uoker, 9:0 – 83 Marez.
Manchester Siti – Murich, Erik Garsiya, Otamendi, Uoker (Danilo, 74), Zinchenko, Silva, Gyundogan, Marez, de Bryuyne (Foden, 58), Sane (Bernardu Silva, 66), Gabriel Jezus.
Berton – Kollinz, Xatchinson, Terner, Bakston, Uolles, Allen (Foks, 68), Mayers-Xarness, Eykins, Freyzer (Sbarra, 79), Breyford, Boys (Templton, 68).