Qo‘shnilarimiz avvaliga Marchello Lippi boshchiligidagi Xitoy termasi bilan tengma - teng o‘ynab darvozabonning ikkita qo‘pol xatosi evaziga uchrashuvni boy berishdi. Ikkinchi turda esa Osiyoning grand jamoasi Janubiy Koreya bilan mardonavor kurashdi.
O‘sha uchrashuvda koreyslar tajriba evaziga g‘alaba qozonishdi.Tan olish kerak, ikkala o‘yinda ham debyutant Qirg‘iziston termasi chakki ko‘rinmadi. Ularga ozgina tajriba va o‘z kuchiga ishonch yetishmadi xolos. Agar, qo‘shnilarimiz birnchi turni Fillipin termasiga qarshi o‘tkazib boshlashganida edi, Janubiy Koreya va Xitoy termalariga yanayam qiyin bo‘lgan bo‘lar edi. Aleksandr Krestenin shogirdlariga birinchi o‘yindagi alamli mag‘lubiyat qattiq ta’sir o‘tkazdi.
Xitoyga qarshi uchrashuvda Pavel Matiyashning ikkita qo‘pol xatosi Qirg‘izistonni butunlay sindirib qo‘ydi.
Janubiy Koreya bilan o‘yin oldidan qo‘shnilarimiz yengil depressiya holatida edilar va bu holatdan chiqib keta olishmadi. Endi ular oldida yagona yo‘l qoldi. 3- turda o‘zlarini qo‘lga olib, eng so‘nggi kuchlarini maydonga tashlab, yirikroq hisobda g‘alaba qozongan holda 3- o‘rin orqali play-off ga chiqish. To'g'ri, bu g‘alaba bilan qo‘shnilarimizning play-offga chiqish imkonlari o‘z qo‘llarida bo‘lmaydi, lekin harakat qilish kerak, sababi bu ular uchun so‘nggi imkon!
