Osiyo kubogi guruh bosqichi 2-turidan o‘rin olgan Turkmaniston va O‘zbekiston o‘rtasidagi bahs yakunlandi. Unda milliy terma jamoamiz yirik 4:0 hisobida g‘alaba qozondi.
Uchrashuvni hamyurtlarimiz hujumkor boshladi va 17-daqiqada bu o‘z samarasini berdi Doston Hamdamovning qanotdan oshirgan to‘pini Javohir Siddiqov darvozaga yo‘llab qo‘ydi.
Oradan 7 daqiqa o‘tgach Shukurovning ajoyib pasini Shomurodov golga aylantirdi. Goldan so‘ng ustinlik yaqqol terma jamoamiz a’zolariga o‘tib ketdi.
O‘yinning 40-daqiqasida Jaloliddin hisobni 3:0 ko‘rinishiga keltirib qo‘ygan bo‘lsa, oradan 2 daqiqa o‘tgach yana Shomurodov nomini tabloga yozdirib qo‘ydi. Shu tariqa birinchi bo‘lim 4:0 hisobida yakunlandi.
Ikkinchi bo‘limni ham hamyurtlarimiz ancha faol boshlashdi. Ikkinchi bo‘lim boshida Akmal Shorahmedov o‘rniga Kuper Davron Hoshimovni tushirdi.
Terma jamoamiz a’zolari bir qator qulay vaziyatlarga ega bo‘lishdi, biroq boshqa gol ura olishmadi. Ba’zi vaziyatlarda darvoza ustuni xalal bergan bo‘lsa, ba’zida hujumlar yakuniga yetmay qoldi.
Shu tariqa, O‘zbekiston terma jamoasi ikkinchi o‘yinda ham g‘alaba qozonib, muddatdan avval pley-off masalasini hal qildi.
Osiyo kubogi-2019. "F" guruhi, 2-tur
TURKMANISTON - O‘ZBEKISTON 0:4 (0:4)
Gollar: Javohir Siddiqov (17), Eldor Shomurodov (24, 42), Jaloliddin Masharipov (40)
Ogohlantirish: Anzur Ismoilov (73)
Turkmaniston: Mammet O‘razmuhammedov, Serdar Annao‘razov, Mekan Saparov, Zafar Babajanov, Vezirgeldi Ilyasov, Gurbangeldi Batirov, Ruslan Mingazov, Rasul Xo‘jayev, Ahmet Atayev (Murat Annayev 42), Arslonmurot Amanov (Ilya Tamurkin 65), Vohit O‘razsahedov (Altimurat Annadurdiyev 46).
O‘zbekiston: Ignatiy Nesterov, Akmal Shorahmedov (Davron Hoshimov 46), Anzur Ismoilov, Islom To‘xtaxo‘jayev, Oleg Zoteev, Doston Hamdamov, Otabek Shukurov, Odil Ahmedov (Fozil Musayev 76), Jaloliddin Masharipov, Javohir Siddiqov (Ikrom Aliboyev 68), Eldor Shomurodov
