Ispaniya La ligasining 20-turi doirasida "Real" o‘z maydonida "Sevilya"ni qabul qildi. Ushbu jamoalar tur oldidan 33 ochko bilan jadvalda 3 va 4-o‘rinlarni egallab turishgandi.

Birinchi bo‘limda jamoalar tengma-teng o‘yin namoyish qilishdi. Dastlabki 45 daqiqa davomida andalusiyaliklar hisobni ochish uchun juda yaxshi imkoniyatga ega bo‘lishdi. Eskudero yakkama-yakka vaziyatga chiqib borib, Kurtua qo‘riqlayotgan darvoza tomon aniq zarba bera olmadi.

Ikkinchi bo‘limda esa Solari shogirdlari bosimni oshirishdi, ketma-ket hujumlar tashkil qilishdi, ko‘plab zarbalar yo‘llashdi. Yakunda "Qirollik klubi" o‘z maqsadiga yetishdi. Bahs tugashiga 12 daqiqa qolganida Kazemiro kuchli zarba berib, hisobni ochishga muvaffaq bo‘ldi. Uchrashuvga qo‘shib berilgan daqiqalarda esa Modrich himoyachilarning xatosidan unumli foydalanib, o‘yinga nuqta qo‘ydi.

Ushbu g‘alabadan keyin "Real" o‘z ochkolarini 36taga yetkazib, La liga jadvalida 3-o‘ringa ko‘tarilib oldi.

Ispaniya La ligasi, 20-tur
Real Madrid – Sevilya 2:0 (0:0, 2:0)
Gollar: 1:0 – 78 Kazemiro, 2:0 – 90 Modrich.
Real Madrid – Kurtua, Varan, Regilon, Karvaxal, Ramos, Sebalyos (Valverde, 88), Kazemiro, Vaskes (Isko, 77), Modrich, Vinisius Junior, Benzema.
Sevilya – Vaslik, Kyer, Gomes, Eskudero (Salvatyerra, 86), Karrisu, Banega, Navas, Vaskes, Sarabiya, Andre Silva (Munir, 75), Ben-Yedder (Promes, 71).
Ogohlantirishlar: Karrisu (30), Banega (54), Kazemiro (61), Sebalyos (65), Kyer (85).