Osiyo kubogi nimchorak finaldan o‘rin olgan Avstraliya va O‘zbekiston o‘rtasidagi bahs yakunlandi. Mazkur bahsda Avstraliya terma jamoasi penaltilar seriyasida g‘alaba qozonib, chorak finalga yo‘l oldi.
O‘yin O‘zbekiston terma jamoasining ustunligida boshlandi. Jamoalar birinchi bo‘limda bir qator hujumlar namoyish etdi, biroq ikki jamoa darvozabonlari gol o‘tkazishni istamadi.
Ikkinchi bo‘limda esa Avstraliya boshqacha kuch bilan maydonga tushdi va darvozamiz tomon katta kuch bilan bostirishdi. Nesterovning mahorati evaziga bir necha havfli hujumlar qaytarildi. O‘yin oxirida futbolchilarimiz o‘zlariga kelishdi, biroq Odilning zarbasi raqibga tegib maydonni tark etdi. Yuqori sur’atda ikkinchi bo‘lim ham yakuniga yetdi va ekstra taymlar belgilandi.
Ekstra taymlarda o‘yin yana tenglashdi desak bo‘ladi. Futbolchilarimiz biroz vaqt cho‘zishga harakat qildi lekin Avstraliya futbolchilari ham bor kuchi bilan oldinga borishmadi. O‘yin shu tariqa penaltilar seriyasiga qadar yetib bordi.
Penaltilar seriyasida Islom To‘xtaxo‘jayev va Marat Bikmayevning xatosi tufayli Osiyo kubogini tark etdik
Osiyo kubogi-2019. nimchorak final
AVSTRALIYA - O‘ZBEKISTON 0:0
Penaltilar seriyasi - 4:2
Miligan (1:0) — Otabek Shukurov (1:1)
Aziz Bexich (1:1, Nesterov) — Islom To‘xtaxo‘jayev (1:1, darvozabon)
Robbi Kruz (2:1) — Ikrom Aliboyev (2:2)
Jannu (3:2) — Marat Bikmayev (3:2, darvozabon)
Metyu Lekki (4:2)
Ogohlantirishlar: Tom Rogich 19), Aziz Bexich (24), Grant Rayan (109) — Islom To‘xtaxo‘jayev (3), Davron Hoshimov (46)
Avstraliya: Metyu Rayan, Milosh Degenek, Grant Rayan, Mark Milligan, Jeymi Maklaren (Apostolus Jannu 75), Kris Ikonomidis (Robbi Kruz 96), Aziz Bexich, Trent Seynsberi, Aver Mabil (Metyu Lekki 68), Jekson Irvin, Tom Rogich (Massimo Luongo 111)
O‘zbekiston: Ignatiy Nesterov, Davron Xoshimov, Anzur Ismoilov, Islom To‘xtaxo‘jayev, Oleg Zoteev (Farrux Sayfiyev 105), Doston Hamdamov (Aziz Turg‘unboyev 107), Otabek Shukurov, Odil Ahmedov, Jaloliddin Masharipov, Javohir Siddiqov (Ikrom Aliboyev 73), Eldor Shomurodov (Marat Bikmayev 104)
Bosh hakam: Abdulrahmon al-Jassim (Qatar)
